BALITA: Team Facula-Pacres sa BE Dujali gipili ni RDR

MARCH 23

Gipili ug aktibo gayod nga gisuportaran si Boardmember Gregorio “Goryo” Facula pagkamayor ug iyang mga kaubanang mga kandidato sa lungsod sa Braulio E. Dujali ni Davao del Norte Governor Rodolfo “RDR” del Rosario.

Ang pagsuporta sa gobernador sa pagbalik ug dagan pagkamayor ni Facula sumpay ra usab sa daghang mga proyekto nga gihatag ni Del Rosario sa lungsod sa BE Dujali ug gani mikantidad na kani sa sobra P79 milyones.

Sa iyang parte, si Facula mihatag ug dakong pasalamat sa padayong kumpyansa sa gobernador sa iyang liderato sa lungsod diin nahimo na siyang mayor sulod sa tulo ka termino o 9 na ka tuig human sa way puas ug sinsero nga serbisyo publiko sa nagkadaiyang posisyon sugod pa niadtong nahimo siyang lider sa mga kabatan-onan dayon sa pagpangalad sa Simbahan isip kaabag ug katekista, ug ngadto sa mga kooperatiba ug non-government organizations sa lungsod.

Ang kusganong pagsuporta ni Governor Del Rosario ngadto sa Facula-Pacres Team dali dayong nakahatag ug dakong kalipay sa mga kapitanes ug daghang katawhan sa lungsod lakip na sa mga lideres sa nagkadaiyang sektor tungod kay matud nila ang lungsod nagkinahanglan gayod sa pagbalik ni Facula isip mayor tungod na pod sa iyang daghang mga maayong kahimoan ug proyekto ug maayong administrasyon panahon nga siya nangalagad pa isip mayor sa BE Dujali.

Ang mga proyektong nahatag ni Del Rosario pinaagi sa inisyatiba ni Facula naimplementar ngadto sa lima ka barangay sa lungsod ug kini milakip sa pagpang-repair sa mga kadalanan, elektripikasyon, pakanal, riprapping, pag-ayo sa mga barangay hall ug BE Dujali public market, rehabilitasyon sa Tuganay dike ug daghang uban pa.

Sa laing bahin, sa usa ka pakighinabi, si Boardmember Facula nagkanayon nga kung siya palaran nga mahatagan ug mando sa katawhan sa lungsod nga mangalagad na usab isip mayor dali niyang ibalik ang mga epektibo ug natestingan na nga mga program ug proyekto nga makapaalebyo sa kalisud sa katawhan sama sa mga nalusad na niya sa iyang kapanahonan pagkamayor.

Primerong gipunting sa mayor nga katagaan ug libreng Philheath ang naglisud nga katawhan sa lungsod ug butangan ug pondo ang Carmen District Hospital ug Davao Regional Hospital sa Tagum “aron nga kita andam na kung may masakit o madisgrasya nga gikinahanglan nga dal-on sa ospital,” matud pa ni Facula.

Giingon niya nga iyang ibalik usab ug patas-an pa gyod ang honorarium sa nga Barangay Health Workers, Day Care Workers ug barangay police, samtang tagaan pod ug moratorium o temporaryong pagpahunong sa pagpataw ug dugang nga buwis ngadto sa mga negosyante, ug daghan pang nalatid nga plano sa programa ug serbisyo sa Team Facula-Pacres.

Kahinumduman nga mihimo ug petisyon ang mga barangay kapitanes ug bagang duot sa katawhan niadtong Nobyembre nga mihangyo kang Facula sa pagdagan ug balik pagkamayor tungod sa daghang mga suhestyon ug mga sugyot nga ilang nabati sa kabaryuhan.

Ang mga mipirma mao sila Barangay Tanglaw kapitan Restie Tabirao, Barangay New Casay kapitan Florencio Padasa, Barangay Magupising kapitan Fidel Davo ug Barangay Cabayangan kapitan Tomas Facula, ug sobra 400 ka mga lideres nga katawhan.

Ang mga nagpetisyon nga katawhan nag-ingon nga si Facula adunay nahimong pinakamaayong performance ug mitabang gayod sa katawhan labi sa mga kabos ug nagkalisud.

Matud usab nila si Facula may maayo gayod ug way bikil nga relasyon sa katawhan sa lungsod ug may makamasa nga panggamhanan dihang siya nangalagad pa isip mayor sa lungsod, busa gusto nila nga pabalikon kini pagkamayor sa Braulio E. Dujali.

Sa paggiya sa iyang mga spiritual advisers ug sa pagtuboy usab ni Governor Dolfo Del Rosario midesisyon na si Goryo nga balikan ug panerbisyo todo-todo na usab ang iyang pinanggang katawhan sa iyang pinanggang lungsod sa Braulio Dujali. (Cha Monforte/Rural Urban News)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: