BALITA: Chiongkee, Amatong mibasura na kang Tok

Ni Cha Monforte, Rural Urban News

MARCH 15

Gi-junk na ang kandidatura ni Pantukan Mayor Celso “Tok” Sarenas ni Compostela Valley Governor Arturo “Chiongkee” Uy ug District 2 Congressman Rommel “Bobong” Amatong ug sa pagbasura sa duha ka dagkong haligi sa politika sa probinsya morag nahimo nang political orphan ang mayor kinsa una nang gisaway sa gobernador nga giingong may dili maayong padagan sa iyang lokal nga kagamhanan.

Sa usa ka pakighinabi , Si Gov. Uy mipagawas sa iyang pamahayag nga pormal na nga siya ug “si Cong. Amatong di na mosuporta” sa kandidatura ni Sarenas kinsa kasamtangang nagapasubli para sa iyang ikatulong termino pagka mayor, nan ila nang gi-junk kini ug suportaran na ang kandidato sa pikas nga si Roberto Yugo, ang kasamtangan kapitan sa barangay poblacion.

Si Uy mipahayag ug usab sa prensa nga kini tungod sa giingong di maayong padagan ni Sarenas sa iyang administrasyon ug sa gialegar nga pagkuha ug daghang mga job order employees para pagsilbi sa politika sa mayor samtang kini pagpakalat ug mga “lapida” o mga outdoor billboard or tarpaulin nga giingong nangangkon sa mga proyekto nga dili lunlon sa munisipyo kay kini may partisipasyon nga salapi sa probinsya ug sa ubang ahensya sa gobyerno.

Sa pagsulat niani, di dayon makuha ning mantalaan ang reaksyon ni Sarenas apan una nang mihimakak ang mayor sa mga alegasyon sa gobernador batok kaniya.

Sa unang interview, miingon si Sarenas nga siya “gihapon mag Lakas-Kampi-CMD ug Gibo Teodoro” nga mao usab ang gipangampanyahan sa panon sa Uswag Comval, ang hiniusang pondok politikal sa mga incumbent officials sa probinsya nga gipanguluhan sa gobernador.

May hungihong nga mag Manny Villar (Nacionalista Party) na ang gobernador ug Vice Governor Ramil Gentugaya sa miaging semana apan matud pa sa usa ka tinubdan wala kini madayon tungod kay ginatan-aw pa kung mosaka pa ba ang rating ni Teodoro sa mga survey “hangtod sa tunga-tunga sa Abril” tungod kay kanunay kining mitugpa sa ikaupat nga pwesto gikan kang presidential candidate Noynoy Aquino (Liberal Party), Manny Villar (NP) ug Erap Estrada (Partido nga Masang Pilipino).

Di pa pod masayran dayon kung sa pormal nga pag-junk kang Sarenas makig-alyansa ba kini kang kanhi Governor Jose “Joecab” Caballero kinsa midagan pagka kongresman ubos sa Liberal Party batok kang Amatong. (Cha Monforte/Rural Urban News)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: