BALITA: Laniba wa gihapon mapahawa pagka Daneco OIC GM

Ni Cha Monforte

feb 14

Wa gihapon mahawa pagka officer-in-charge general manager (OIC GM) si Allan Laniba sa Davao del Norte Electric Cooperative kay nagkulang sa boto ang grupo sa mga director nga nagaoposar kaniya atol sa ilang miting kagahapong adlawa didto sa Daneco Tagum Office, syudad sa Tagum.
Sa boto nga 4-5 pabor kang Laniba nabasura ang resolution nga gisang-at ni director Miguel Fermil nga i-terminate ang designation ni Laniba isip OIC GM ug iimplementar ang rotation system sa pagka OIC GM samtang ang Daneco legal counsel Atty. Jess Albacite ug Laniba mirason nga siya ang National Electrification Administration (NEA) mihatag pa sa kaniya ug usa ka tuig nga probationary period pagka OIC GM o hangtod sa Abril 10, 2010.
Ang miboto sa pagpalagpot unta kang Laniba mao sila board director Fermil, Ananias Darjan Jr., ug Roman Calicdan, samtang ang wa misugot mao sila Dr. Antonio Sebumpan, MD, Eugenio Ramonida, Engr. Dan Gervacio, retired Col. Dominador Cruda ug Orlando Bugas. Mi-abstain sa botohay sila director Samuel Lacierda ug Dr. Roberto Alam, MD.
Si Alam gituohan unta nga moboto sa pagpalagpot apan sa katapusan mi-abstain siya, samtang naobserbahan nga si Lacierda naghilom-hilom panahon sa usa ka adlawa nga board meeting diin mituki sa Fermil isip katapusang adyenta sobra na alas 5:00 kagahapon sa hapon. Nagsugod ang makuting miting sa alas 9 sa buntag.
Ang grupo sa mga board directors tataw nga lakip na si board president Dean Briz kinsa tataw nga wa kaangay kang Laniba, tuod man usa sila nasupalpal sa botohay kabahin sa pagpalagpot ni Laniba, nakalampos sa pagpaaprubar sa usa ka board resolution sa pagreapirmar nga may igong mayorya na sa ilang naunang resolution nga may botong 6 nga “yes” ug 6 nga “no” nga ideklarar na nga ang Daneco GM nga posisyon isip abre ug bakante ngadto sa publiko ug gihangyo nga ipublisar na kini sa NEA sa usa ka mantalaan nga may national circulation sa gasto sa Daneco.
Niining maong resolution midaug ang grupo ni Darjan ug Fermil kinsa nakakuha ug 7 ka boto apil ang boto ni Lacierda ug Alam, samtang ang pro-Laniba nga mga director nakakuha lamang ug 5 ka boto.
Sa maong resolution gipaabot nga sa umaabot nga Abril 10, 2010 na mabakante ang GM nga posisyon aron pwede na kining aplayan sa tanang interesado gikan sa klase-klaseng parte sa nasud, apan mikomentaryo si Atty. Albacite nga sa pag-abot sa maong petsa “mohimo lamang ug ebalwasyon ang NEA” kung angayan ba gayod kini human sa iyang usa ka tuig nga probationary period, samtang ang hunta direktiba mokonpirmar usab sa desisyon sa NEA.
Human sa pagbotar sa maong resolution miapelar si Laniba nga dili unta nila apilan sa politika sa ilang pagbotar sa pagpalagpot kaniya kun dili basehan nila ang kaayuhan sa mga konsumante sa Daneco.
Mipagawas ug pag-alingasa si Darjan ug Briz usab kagahapon nga sa maong petsa usab automatic na nga mahimong permanente nga GM si Laniba.
Mirason si Darjan nga mitubag lang sila sa “gusto sa League of Mayors ug ubang grupo ug sektor” nga ibakante ang maong posisyon aron aplayan sa tanang kwalipikado nga aplikante.
Niadtong Enero 23 unang gitestingan na sa grupo ni Briz nga pulihan si Laniba sa ilang gipili nga si Engr. Nelson Balangan, ang technical department head, kinsa mikakak nga dili niya makaya ang paghupot sa pinakataas nga posisyon sa management sa Daneco kay matud niya dili siya makamao sa accounting.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: