BALITA: “Least performed mayor si Tok”- Chiongkee

SK fed president anak ni Mayor Sarenas paimbestigahan

Ni Cha Monforte, Rural Urban News

feb 10

Miluwat ug pamahayag si Compostela Valley Governor Arturo “Chiongkee” Uy nga si Pantukan Mayor Celso “Tok” Sarenas usa ka “least performed mayor” o giingong wa kaayo kahimog performance panahon sa iyang administrasyon ikumprar sa ubang mayor sa probinsya.

Sa usa ka pakighinabi kagahapon, ang gobernador mihulagway nga ang administrasyon ni Mayor Sarenas gikinahanglan gayod nga tukluron pa kini aron mohimog daghang kahimoan ug kabag-ohan sa iyang lungsod.  

Gimakmak ug usab sa gobernador ang pagkatap sa daghang mga “lapida” ni Sarenas o mga billboards ug tarpaulins nga giingong nangangkon sa mga proyekto nga bisan dili lunlon sa munisipyo sama sa mga proyekto nga diin adunay counterpart nga pondo ang probinsya ug ubang nasudnong ahensiya sa gobyerno. 

Gitumbok ni Governor Uy nga ang giingong luya nga performance sa mayor nahimo tungod na usab sa giingong pag-apil-apil sa iyang asawang si Meta partikularmente sa mga pagdesisyon sa mayor sa iyang official function.

Matud sa gobernador nga kini giadmitar man gani sa mayor sa usa nila ka miting kaniadto kauban sa mga barangay kapitanes ug mga miyembro sa Sangguniang Bayan.

Gisaway usab ni Gov. Uy ang mayor nga mi-hire ug daghang mga job order nga mga trabahante sa munisipyo nga giingong mokabat na sa 400 ka tawo.

“Sa tag P2,500 lamang nga sweldo kada bulan sa 300 katawo, moabot na na ug P750,000 kada bulan nga gasto o P8.4 milyon sa usa ka tuig,” matud pa ni Uy.

Giingon sa gobernador nga gamiton ni Sarenas ang mga job order nga mga trabahante sa munisipyo para mamentenar ang pamolitika sa mayor.

Sa laing bahin, si Uy usab namulong nga iyang pag-imbestigahan sa pagbalik niya gikan sa Manila ang anak sa mayor nga si Jhoana Sarenas kinsa kasamtangang boardmember isip federation president sa Sangguniang Kabataan sa probinsya tungod sa alegasyong nakagasto kini ug halos P1 milyon sa usa ka outing sa mga kabatan-onan sa SK niadtong Nobymebre sa miaging tuig didto sa Maragusan, ug giingong wala pa maka account o makalikidar sa mga nagasto sa maong kalihukan ang batan-ong Sarenas.

Matud pa sa taho, ang SK federation nangayo ug P3,000 registration fee sa mga partisipante nga mga opisyales sa SK ug giingong matag usa kanila migasto ug P1,200 lamang para sa ilang pagkaon ug akomodasyon sulod sa tulo ka adlaw nga kalihukan.

“She will account for the rest of the money (Iya pang i account ang nahabilin nga kwarta),” pamulong pa sa gobernador.

Ipalihok sa gobernador ang Department of Interior and Local Government provincial office nga moimbestigar sa maong alegasyon.

Di pa dayon makuha ang tubag ni Jhoana Sarenas sa kasamtangan.  

Una nang mihimakak si Mayor Sarenas nga wala siya nagpakalap ug mga “lapida” ug nga ang pag-interbenar sa iyang asawa tungod ra pod kay gihimo kini niyang municipal action officer samtang kini presidente sa municipal council of women sa lungsod.

Di pa usab makuha dayon ang tubag ni Mayor Sarenas kabahin sa isyong job order nga mga trabahante.  (Cha Monforte/Rural Urban News)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: