BALITA: Tok Sarenas: “Full support gihapon ko kang Chiongkee” bisag gimakmak nga nangangkon ug proyekto

Ni Cha Monforte
jan 30
Mipaklaro kagahapong adlawa si Pantukan Mayor Celso “Tok” Sarenas nga siya mosuporta gihapon kang Compostela Valley Governor Arturo “Chiongkee” Uy bisan pa ug bag-ohay pa siya nga gisaway nga giingong siya nangangkon ug solo sa mga proyekto nga may kaparte nga pondo ang probinsyal nga kagamhanan.
“Full support gihapon ko kang governor,” pamulong pa sa mayor.
Sa usa ka pagkighinabi, si Sarenas nagkanayon nga magapadayon pa gihapon nga abre ang iyang linya sa komunikasyon sa gobernador bisag tuod ang mayor gimakmak atol sa usa ka radio interview ni Uy nga nagapadaghan ug “lapida” o billboard nga nagaangkon nga iya ang mga proyekto nga tuod diay gitabangan sa probinsya o di man gani sa ubang nasudnong ahensiya sa kagamhanan.
Nagpakita pod ug kabalaka ang gobernador sa giingong pag-apil-apil sa asawa sa mayor nga si Meta sa mga kalihukan sa munisipyo nga “unta anaa lang sa supporting role ang mga asawa sa mga mayor” dinha sa pagpadagan sa gobyerno aron nga di sila masaway o malabayan ug dili maayo nga isyu sa publiko.
Matud sa gobernador “dili personal” ang iyang paghatag ug komentaryo ngadto sa pagpadagan sa munisipyo ni Sarenas bisan pag tuod nga giangkon niya nga miyembro pa gihapon si Sarenas sa partido sa administrasyon nga Lakas-Kampi-CMD.
Sa pakighinabi kang Sarenas kagahapon, ang mayor miingon nga “loyal gihapon ko sa grupo, anaa gihapon ko sa Lakas kay partido-partido gyod ko sa una pa. Kang Gibo gihapon ko”.
Usab, mihimakak si Sarenas nga naga angkon-angkon siya ug mga proyekto nga gitabangan ug pondo sa klase-klaseng ahensiya sa kagamhanan.
Kabahin sa giingong pag-apil-apil sa iyang asawa sa iyang pagpadagan sa munisipyo, si Sarenas miingon nga tanan man nga mga asawa sa mga mayores sa probinsya nagaapil-apil kay “sila gihimo man sa probinsya nga mga presidente sa municipal council of women”.
Dugang pa ni Sarenas nga gani ang asawa sa gobernador nga si Madam Eunese apil man usab isip provincial chairwoman sa Compostela Valley Provincial Council of Women.
Matud usab sa mayor nga dihang iyang gitudlo ang iyang asawa isip municipal action officer nga maoy nagdala sa municipal nutrition council daghan nang nadawat nga klase-klaseng award o pasidungog ang munisipyo ug “ang pinakataas niini mao ang pagkahimo sa among nutrition council isip national awardee sa 2009” tungod sa dakong pagkunhod sa malnutrition rate sa lungsod. “First time kani sa kasaysayan sa lungsod”.
Hinoon si Sarenas miadmitar nga nalain kaniya ang gobernador tungod sa pagkadilatar sa pag-construct sa Freedom Plaza diin si Uy mibubo ug kantidad P400,000 samtang ang munisipyo mibubo ug P300,000. Kasamtangan na nga gina-construct ang Freedom Plaza nga anaa atubangan sa bus terminal sa lungsod.
Ang mayor miingon usab nga gusto gayod niya nga mahuman ang gym didto sa sports complex sa lungsod ug pondohan kani sa gobernador tungod kay wa silay maayong gym sa kasamtangan.
May hungihong nga si Sarenas itaktak ni Uy sa ilang hiniusang grupo politikal nga Uswag Comval, ug suportaran ang iyang karibal nga kandidato pagkamayor nga si Roberto Yugo, kinsa kanhi bise mayor ug kasamntangan kapitan sa Barangay Kingking.
Apan sa laing pakighinabi sa miaging adlaw, wala mikomentaryo ang gobernador kabahin sa maong hungihong. (Cha Monforte/Rural Urban News)
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: