OPINYON: Si Gibo

TSA PWERA

Ni Cha Monforte


jan 26


Niadtong Sabado miabot gayod si Lakas-Kampi-CMD presidential bearer Gilbert “Gibo” Teodoro Jr sa Tagum City ug nakigpulong sa mga moabot sa 300 ka mga lokal nga kandidato sa administrasyon sa mga probinsya sa Davao del Norte, Compostela Valley ug Davao del Sur. Dugay pod ang pagpaabot sa mga kandidato kay sobra na alas 10 sa buntag miabot ang party ni Gibo. Human na ug pamahaw ang mga kandidato. Breakfast meeting man unta ang tawag atong tigoma.

******

Maayo ang mga pinulungan ni Gibo atubangan sa mga kandidato sa Lakas-Kampi-CMD ug mga miyembro sa lokal nga media. Bright gayud si Gibo. Galing ug talino gud ang iyang campaign slogan. Tama ra pod sa iyang personahe. May nakaapan lang sa iyang solusyon sa isyung aerial spraying sa atong industriya sa sagingan, kay matud niya ang solusyon mao ang pag schedule lamang kung kanus-a mo spray ang mga gagmayng eroplano aron makalakaw ang mga tawo nga anaa sulod sa mga plantasyon ug dili maulanan ug makadaut nga kemikal. Kabalo biya ta nga dugay nga ning pamaagi sa pag-skedyul kung kanus-a ang aerial spray. Wa lang seguro kabalo si Gibo nga daghang mga komunidad nga gilibotan na o di ba haduol lang sa mga sagingan, mao nga kanunayng maulanan o mataligsikan ang ilang katawhan sa pag spray sa kemikal. Gusto seguro ni Gibo nga kanunay na lang magdinaganay ang katawhang napagan sa tibuok nilang kinabuhi.

******

Maayo ang tubag ni Gibo kabahin sa problema sa Diwalwal. Matud niya dugay na niyang naestudyohan ang Diwalwal Problem sa panahon nga siya kalihim pa sa Department of National Defense. Konsultasyon lang ang gikinahanglan tali sa mga opisyales sa lungsod sa Monkayo ug sa mga minero. Tama! Mao gani nga misikat si kanhi DENR Secretary Heherson Alvarez sa mga minero tungod kay konsultasyon man ang iyang gibasehan usa mi-takeover ang gobyerno sa diretsong pagpangmina sa estado sa bukid sa Diwalwal. Ang nakaapan lang pod kay wa militok si Gibo kabahin sa Philippine Mining Development Corporation (PMDC- ang kanhi NRDC), ang kumpanya sa gobyerno nga maoy naga mina sa ubos sa Level 600 sulod sa 729 ka ektarya nga gi-award sa gobyerno pinaagi sa buhat ni Alvarez ngadto sa mga gagmayng minero. Wa pa man gud ta kabalo kung pila na ka tonelada sa bulawan ang nakuha sa PMDC ug kung miadto ba gayod kini sa panudlanan nasudnong kagamhanan, o basi miadto sa personal nga pitaka sa mga nasudnong opisyales? Matud pa ni Mt. Diwalwal kapitan Franco Tito siya mismo was kabalo ani.

******

Gigamyan si Gibo sa pagtan-aw sa mga resulta sa mga survey diin siya kanunayng ulahi. Niadtong Disyembre nga survey sa nabantog nga Social Weather Station (SWS) si Gibo 4th placer lamang, sunod kang kanhi Presidente Erap. Si Noynoy gihapon ang 1st placer tapos si Manny Villar ang 2nd placer. Pasabot nga moambak pa siya ug tulo ka presidential candidate usa mo Top 1. Apan matud niya: “Ma Top 3 ako o hindi, basta ako pa rin ang mananalo!”. Ngano kaha nga nakaingon siya ani? Manikas na usab ang administrasyon?

******

Matud usab ni Gibo ang tinoud nga magaling ug matalino mao ang katawhan nga nagtrabaho ug milungtad sa pagtamas-tamas sa ekonomikanhong krisis sa nasud ug nakapakaon sa ilang mga pamilya. Tinoud, apan dugay nang nag-ilaid ang katawhang Pilipino sa kalisud ug wa gihapon masulbad sa mga nangaging administrasyon. Kutob lang si Gibo sa paghatag ug pasidungog sa katawhang naglisud ug nagpatulo ug singot, apan wa man niya mahatag ang iyang mga programa alang sa mga kabos ug dinaugdaog niadtong tigum sa Tagum. Nakulangan lang seguro ug panahon si Gibo niadtong tungura.

******

TINALIGSIK: Si Boardmember Recaredo Federiso midagan ug balik pagkamayor sa New Corella sa Davao del Norte aron ipabalik ang programa nga Sustainable Integrated Development ug PADRE nga giingong nakapalebyo sa daghang kinabuhi sa lungsod. Wa man gud gipadayon kining mga programaha sa kasamtangang mayor sa lungsod…. Di gusto mikomentaryo si ka kanhi Bise Gobernador Anthony del Rosario kabahin sa iyang kaparang sa pagkakongresman sa distrito 1 sa Davao del Norte. Tama ra pod nga silensyo ang iyang ihatag kay absenot man gud sa distrito ang iyang kaparang….. Kung karon himoon ang piniliay sa Nabunturan, ang capital town sa Compostela Valley , si Konsehal Raul Caballero ang modaug pagkamayor, matud pa sa usa ka lokal nga survey. Pugong na lang sir ug ayaw padala sa mga sipsip sa imong kampo. (E-mail: chamonforte@yahoo.com)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: