OPINYON: Pildidong linya

TSA PWERA

Ni Cha Monforte

jan 8

Bag-ong tuig, bag-ong paglaum. Alang sa mga politiko, misulod na sila sa panahon sa piniliay. Kulbahinam alang kanila kining gisudlan nga panahon, kay sa umaabot nga Mayo, lima na lang ka bulan gikan karon, hukman na sila sa katawhan.

******

Alang sa katawhan labi na sa nagkuging mga kabus, ang mahatagan ug maayong panglawas aron makapadayon sa pagkayod ug pagpaningkamot aron adunay mahatag nga pagkaon sa pamilya matag adlaw mao lamay kanunayng ginaampo, ginapangayo. Bonus na kung mahatagan ug buenas karong tuig 2010.

******

Pangayo natong tanan karong tuiga nga unta ang atong mga opisyales sa gobyerno unahon na ug tan-aw ang kalisud sa kinabuhi sa mga kabus sanglit ila untang himoog prayoridad ang pagtubag sa nag-unang problema sa kakabus ug pagkawalay trabaho ug panginabuhian sa katawhan, kakulang sa mga serbisyo sosyal ug medikal, ug pagpabaya nganha sa mga kabatan-onan nga mahatagan sila ug maayong edukasyon. Subo nga palandungon nga padayon pa gihapon kining mga problema ginabuno sa katawhan samtang padayon gihapon ang atong mga politiko ra kaayong opisyales sa gobyerno sa pagpasagad sa pagduso sa ilang mga proyekto ug programa nga makaserbisyo una sa ilang mga personal nga intereses usa ang nagkalisud nga katawhan.

******

Ang pinakagrabe na nga ehemplo sa pagkadaut sa pagdumala sa pangamhanan mao kining pagtan-aw nga ang munisipyo, kapitol o city hall usa na ka dakong negosyo sa mayor o gobernador ug sa ilang pamilya. Grabe ang taho nga kung nganong naadunahan ug nahimong gamhanan ang mga Ampatuan sa Maguindanao kini giingon nga tungod sa pagpangawkaw sa Internal Revenue Allotment (IRA) nga bahin unta sa munisipyo, syudad o probinsya gikan sa nasudnong kagamhanan alang unta ngadto sa mga proyekto apan naadto na hinoon sa pribadong bulsa sa mga nagadumala.

******

Gikan sa alegasyon ni North Cotabato Vice Governor Manny Pinol ngadto sa mga Ampatuan, nasayran nato nga may dako pod nga posibleng mahimong gatasan sa mga mayores or gobernadores kining pagpang “download” o pagpanghatag ug pondo sa proyekto sa mga national agencies (ehemplo: suspek numero uno- Dept. of Agriculture) diin kuhaan na kini ug komisyon sa taas nga mga opisyales sa nasudnong panggamhanan ug itumo-tumo sa mga mayores or gobernadores sa beneficiary local government unit nga naimplementar na nga proyekto apan wala diay, tungod kay kunsabo man sa Sekretaryo ug uban pang taas nga opisyal sa pagpangawkaw sa maong pondo.

******

May tsansa pa sa kabag-ohan, labi na kung ang atong mga opisyales sa gobyerno sensiro sa magpaklaro sa mga lakaw, proseso ug transaksyones sa kagamhanan ngadto sa katawhan.Kung ang  prinsipyong transparensiya mao untay ginahatagan ug importansy sa mga  nagadala sa atong kagamhanan ug ginatratar sa tiunay nga ang pangpublikong opisina gipanag-iyahan man sa publiko ug katawhan, busa dili kini gipanag-iya sa mga nagahupot sa gahom ug dili para sa ilang kaugalingong intereses, tataw nga kita makakab-ot ug tinuod ug maayo nga kagamhanan nga maoy yabe sa pagkab-ot sa tiunay nga kalamboan sa katilingban.

******

TINALIGSIK: Halos pildido na man sa miaging eleksyon ang linya sa bise mayor ug mga konsehal sa oposisyon sa lungsod sa Nabunturan, matud pa sa usa ka magbabasa ning periodico sa pagtubag kanako sa akong nahaunang opinyon nga kusog ang linya ni kandidato pagkamayor Raul Caballero. Tan-awon nato ‘tay…. Morag over security conscious ra man ang civil security unit nga naga gwardya sa main entrance sa Panabo City Hall. Paging Mayor Joe Silvosa, paki check daw kang CSU personnel Eduardo Acol ug police personnel Malegro kay matud pa daghan na ang nagmulo kanila sa ilang pagka istrikto nga mga gwardya, matud pa sa akong bubuwet….May maayong sugyot si Atty. Rex Lopoz, kandidato pagka kongresman sa Distrito 2 sa Comval, ug kini ang pag-establisar sa free port ug special economic zone sa sulod sa coastal municipalities nga Maco, Mabini ug Pantukan, ug suportaran kini sa paggama ug ikatulong legislative district sa Comval nga mao ang coastal district. Nah, magamay na hinoon ang imong distrito attorney kung modaug ka? Ok lang matud niya, kay wa siya naggukod nga maka pork barrel ug dako nga may dakong kantidad. Matud niya, dakong source of corruption ang pork barrel sa mga kongresman. (email: chamonforte@yahoo.com)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: