OPINYON: Problema sa Daneco

oct 15

TSA PWERA
Ni Cha Monforte
May dakong problema ang mga konsumante sa Davao del Norte Electric Cooperative. Kini mo ang matag karon ug unya nga brownout. Matud pa sa bag-o nga presidente sa Board of Directors nga si Dean Briz kulang ang supply sa kurente nga moabot sa di momenus sa 10 megawatts gikan sa National Grid Corporation of the Philippines. Matud pa ni Briz ang kanunayng may brownout mao ang mga lungsod sa Laak ug Monkayo. Nagsingabot na pod ang power crisis nga makaapekto gayud sa atong mga probinsya. Usa kini ka dakong problema sa katawhan busa dakong hagit kani sa atong mga lideres, labi na kadtong nagaposisyon na nga mahimong Presidente sa nasud.
******
Kining National Gird Corporation (NGCP) mao na ang pribadong kumpanyang mi-takeover sa paghatod sa kuryente sa tibouk nasud nga kanhi gigunitan sa National Transmission Corporation kun TransCo sukad niadtong miaging Enero 15, 2009. Usa kani ka consortium nga gilangkuban sa mga kumpanyang Monte Oro Grid Resources Corporation (MOGRC), State Grid Corporation of China (SGCC) and Calaca High Power Corporation (CHPC). Gi-bidding man gud sa gobyerno ang franchise sa pagmentenar sa transmission network kurente sa tibuok nasud subay sa programang privatization ug kining consortium mao ang midaug. Singkwenta pa ka tuig ang termino sa prankisa sa NGCP.
******
Hagit kani sa kasamtangang opsiyales sa Daneco sa pakigsabot sa NGCP aron katagaan kita ug permanente ug stable nga kuryente kay ang problema sa kasamtangan anaa pa man sa power transmission ug delivery, ug dili pa kaayo sa power generation, kung atong ikonsiderar nga may mga dapit sa Mindanao nga gamay ra ang power demand. O basi nagsige pa gihapon sila ug away kabahin sa isyu nga kinsa ba gayud ang mahimong general manager sa Daneco human mipanaw ang kanhi GM Edgar Savellano.
******
Tabi lang Daneco BOD president Briz paki esplika lang kung nganong mi text ka man kang OIC GM Allan Laniba kung aduna bay siyay permiso nga mobiyahe sa Manila. Didto na si Laniba sa kauluhan dihang imo siyang gipangutana pinaagi sa text. OIC GM biya si Laniba ug matud pa dugay na nga may BOD resolution nga di na gikinahanglan nga mangayo ug permiso ang GM sa BOD kung siya mobiyahe. Gikinahanglan nga may independensya ang Daneco management sa pagdumala sa kooperatiba matag adlaw kay basig wa nay mabuhat kini kung matag karon ug unya, ug pati sa mga gagmay nga mga transaksyones gikinahanglan ang permiso sa BOD. Yuna pa, di ba policy-making lang ang papel sa Daneco BOD? Mora mag nagapanghilabot na ang mga apil-apilong Daneco directors sa management sukad na OIC GM si Laniba.
******
Apan sa laing bahin, mora pog tama kini pag-inistrikto ni Briz kay kabalo biya ta nga sa panahon pa ni Amacio hangtud kang Savellano gamhanan gayud ang GM sanglit morag di na makit-an sa mga tag-iyang konsumante kung unsa gayud ang mga transaksyones sa Daneco. Nan, ang pagpaklaro sa mga minilyong transakyones sa Daneco o kung unsa gayud ang tinoud nga estado sa pinansya sa kooperatiba maoy indikasyon nga ang bag-ong BOD presidente ug bag-ong OIC GM gusto nga ipatumaw ang prinsipyong transparency alasng sa kaayuhan sa kooperatiba ug sa iyang mga konsumante. Mga sir, kumusta na man ang mga disbursements diha? Napakgang na ba ang mga kawatan sa Daneco?
******
Morag natakdan na man gud ning Daneco sa sakit sa atong burukrasya sa gobyerno. May mga tawong gusto nga mag weder-weder, o kung anaa na sa posisyon mo take advantage pa pod aron magpakadato. Miestorya lang kita dire sa sakit sa organisasyon ug wa ta mitumbok ug tawo, buhi ba o patay. Hangtud wa kitay ebedensya, kutob lang kita sa obserbasyon sa mga panghitabo. Pero kining mga panghitabo tinoud biya. Daghang nadato nga mga opisyales sa gobyerno- mga kongresman, gobernador, mayor ug uban pa tungod sa ilang paghupot ug public position. Ug kutob na lang kita sa obserbasyon.
(e-mail: chamonforte@yahoo.com)
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: