BALITA: “Laniba dili angayan nga ma Daneco GM”- Mayor Uy

“Laniba dili angayan nga ma Daneco GM”- Mayor Uy Ni Cha Monforte Mao gihapon ang panglantaw ni Tagum City Mayor Rey Uy nga ang kasamtangang OIC General Manager sa Davao del Norte Electric Cooperative nga si Allan Laniba dili angayan nga molingkod isip full-pledged GM. “He should not be there (Dili angayan siya nga anaa diha),” pamulong pa sa mayor sa dakdaban nga maoy pinakadako nga nagakonsumo sa sugang dagitabnon sa tibouk service area nga Compostela Valley, isla sa Samal ug Davao del Norte gawas sa mga lungsod sa Panabo ug Sto. Tomas. “(Daneco needs a) highly competent, highly technical person… and who has managerial capacity,” dugang pa ni Uy sa pakighinabi kaniya kagahapon. “IQ (intelligence quotient) is not enough (Dili sarang ang IQ), training is enough,” tubag sa mayor sa pangutana kabahin sa kapasidad sa pagdumala sa Daneco sa usa ka GM. Matud pa ni Ed Valdez, tigpamaba sa mayor sa lokal nga media, wa pa gihapon gipublisar sa Daneco kung bakante na ba ang position sa Daneco sa usa ka nasudnong mantalaan ug “mora kinig ilang gitagoan”. “Kinahanglan nga ipublisar na ang posisyon aron nga kini maaplayan na sa bisan kinsa nga kwalipikado gikan sa Aparri hangtud sa Jolo,” dugang pa ni Valdez. Una nang nagpakita ug interes nga mangaplay pagka Daneco GM si Konsehal Mylene Baura, nga usa ka abugada ug certified public accountant. Si Laniba, 35 anyos, nagsugod sa pagpanarbaho sa Daneco sa 1998 ug nakasobra sa 10 ka tuig pa nga nangempleyo sa kooperatiba. Siya gitan-aw nga usa ka protege sa namatayng GM Edgardo Savellano. Sa pagpanaw ni Savellano niadtong Hunyo 19, 2009 tungod sa tumor sa iyang spinal cord, si Laniba dayon ang mipuli isip OIC GM sa Daneco. Gikataho nga may suporta si Laniba sa Daneco Board of Directors sa pagpangulo pa sa kanhi BOD presidente Antonio Sebumpan, apan niadtong Sabado dihang nahitabo ang usa ka reorganisasyon napulihan si Sebumpan pagkapresidente ni Dean Briz, ang Tagum city budget officer ug gitan-aw nga protege ni Mayor Uy, sa giingong di pa matinong sirkumtansya sa piniliay. Gitext kagahapon si Laniba para sa iyang reaksyon pero hangtud sa pagsulat niani wala gihapon siya mitubag.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: