BALITA: Gov Dolfo nag Ebdane na

Ni Cha Monforte

oct 16

Miluwat gahapong adlawa si Davao del Norte Governor Rodolfo del Rosario nga “personal” niyang giduso ang gideklarar nga kandidatura pagka-Presidente ni Dept. of Public Works and Highways Secretary Hermogenes Ebdane sa rason nga siya ang “tamang tawo” nga may “igong katakus” sa pagsulbad sa kasamtangang krisis sa nasud tungod sa miaging bagyong “Ondoy” ug “Pepeng”.
Atubangan sa mga reporter didto sa Bulwagan ng Kapitolyo sa Mankilam, Tagum City, ang gobernador miluwat nga siya “nagasugyot” ngadto sa liderato nasyunal sa Lakas-Kampi-CMD sa pagkonsiderar sa kandidatura ni Ebdane kinsa giingon niya nga maoy “man of the hour” nga kayang makasulbad sa kagrabe nga kadaut sa pagdagmal sa mga bag-ong miaging bagyo sa nasud.
“Ang akong concern lamang mao ang kasamtangang krisis…  nga ang epekto moabot pa hangtud sa 2010, ug ang panginahanglan niini sa pagpabalik ug tindog sa mga nadaut,” dugang pa niya.
Matud ni Del Rosario si Secretary Ebdane usa ka “builder” ug may igong eksperensya sa pagdala sa gobyerno kay usa kini ka enhenyero, Philippine Military Academy graduate, ug nahimo na kining sekretaryo sa National Defense ug hepe sa Philippine National Police.
“Sobra sa atong pangagpas, daghan pod ang iyang nahimong mga mega projects alang sa Mindanao sama sa Talaingod, Davao del Norte- Bukidnon road, Davao Oriental-Surigao coastal highway, Zamboanga peninsula road project ug uban pa,” matud pa sa gobernador.
Apan miingon si Del Rosario nga sa iyang pagsuporta sa kandidatura ni Ebdane wa nagpasabot nga “dili kwalpikado” ang unang naendorsar na sa national executive committee sa na merged nga Lakas-Kampi-CMD nga si Defense Secretary Gilbert “Gibo” Teodoro. “Gibo is definitely qualified (as a President)”.
Sa mao gihapong pakighinabi, ang gobernador kalit nga miingon siya ang “alleged provincial chairman” sa Lakas-Kampi-CMD bisag tuod siya usab miadmitar nga siya miyembro gihapon sa “Lakas original” nga diin miyembro si kanhi Presidente Fidel Ramos.
Hinoon, siya miingon nga isip gobernador “automatic” siyang mahimong provincial chairman sa Lakas-Kampi-CMD sa iyang pagtubag sa pangutana kung tinoud ba nga wa siyay appointment pa sa liderato nasyunal sa Lakas-Kampi-CMD.
Nahibal-an nga si 2nd District Congressman nagtakda sa mga miyembro sa Lakas ug Kampi sa pagparehistro ug usab sa na merged nga Lakas ug Kampi samtang wa kini koordinasyon sa gobernador, samtang si 1st District Congressman Arrel Olano giingon nga wa molihok sa pagparehistro ug usab sa nga miyembro sa Lakas ug Kampi alang sa na merged nga Lakas-Kampi-CMD party.
Apan mirason ang gobernador nga ang pagparehistro ug usab nagpasabot lamang nga gikan sa municipal level hantgud sa district level ang proseso nga gihimo sa Lakas-Kampi-CMD samtang siya “nagahulat” sa resulta niini isip chairman sa nahiusang partido sa administrasyon.
“Seguro si Cong. Lagdameo busy niini kay tungod siya first-termer man, samtang si Cong. Olano wa ma-busy kay last-termer man,” sulti pa sa gobernador sa eninglish.
Apan sa giluwatang anunsyo sa pagsuporta sa gobernador ngadto kang Ebdane mihatag gihapon ug espekulasyon ug kalibog sa mga nagaobserbar sa politika sa probinsya nga matud pa posible nga moabak na gikan sa administrasyon si Del Rosario, samtang ang iyang anak nga si kanhi Vice Gov. Anthony Rafael aktibong nagakumpanya ug suporta alang sa deklaradong kandidatura pagka-Presidente ni Senador Noynoy Aquino sa Liberal Party.
Wa pay tataw nga partido si Ebdane bisag ingon niya nga may kaugalingon siyang partido diin siya magpalandong nga modagan pagka-Presidente sa nasud. (Cha Monforte/Rural Urban News)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: