Wa nay kalawat sa mga anti-life nga mga politiko

PANGLANTAW

Wa pa ta kabalo kung may isa sa atong mga kongresman sa rehiyon sa 48 ka kongresman nga mipirma sa balaodnon nga gikondena sa mga kaobispohan nga kontra-kinabuhi tungod kay giingong nagapromotar ug aborsyon. Busa kining mga mipirma ug mopirma angayan nga di na pakalawaton sa Simbahan.

Ang posisyon sa mga kaobispohan nakahatag dayon ug nagkadaiyang reaksyon samtang si Kongresman Edcel Lagman sa Albay mitubag nga dili tama ang pastoral letter ni Ozamiz City Archbishop Jesus Dosado tungod kay ang iyang balaodnon dili anti-life kun dili pro-life ug mitumong lamang nga sulbaron ang problema sa nagkadaghang papyulasyon sa nasud, nga nagapataas ug 2.34 porsyento kada tuig ug gibanabana nga moabot na sa 90.46 milyones ka Pilipino sa paghuman ning tuig 2008.

Ang kabalaka sa obispyo nahimugso tungod sa dili maayo nga estadistika diin ang atong nasud nga unta kadaghanan mga Romanon Katoliko aduna may nahimong 473,000 ka tinuyong aborsyon sa tuig 2000 sumala pa sa Reuters. Kini mohubad ngadto sa 27 ka aborsyon kada 1,000 ka buntis nga babaye samtang ang Estado Unidos aduna lamay 20 ka aborsyon matag tuig.

Tungod kay nagbahad man ang mga obispo nga kundenahon ang mga kalag sa politiko nga gusto ug aborsyon, di kita makapaabot nga may mahimong debate sa atong mga lokal nga konseho kabahin niini, gawas lang kung mga miyembro sa konseho nga kaabag or miyembro sa Knights of Columbus, Couples for Christ ug ubang organisasyon sa Simbahan.

Luyo niini, tataw nga may kakulang pa gihapon sa publiko nga mabalaka sa pagtaas sa papyulasyon sa nasud. Gani makadungog kita ug daghang kumedya bahin sa kahimsog sa pagkalalaki sa mga Pilipino samtang nagakuyanap na ang mga tambal sa pagpakusgan sa pagkalalaki diha sa pagpanghilawas sama aning happy king, viagra ug uban pa. Mas maayo pod unta nga ang atong mga obispo mihimo pod ug posisyon aning mga klaseng tambala, gawas lang sa pagtabang sa mga laleke labi na ang mga tigulang nga wa nay nahot sa sex, kaning mga tambala sa laing bahin hilom nga nagapaawhag sa way puas nga pagpalami ug dukiroknong pakighilawas nga usab motabang ngadto sa pagpadaghan sa papyulasyon sa atong nasud. (Cha Monforte/Rural Urban News) http://ruralurbanews.blogspot.com

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: