Molungtad, mabuhi, makalingkawas gihapon ta

PANGLANTAW

Molungtad, mabuhi ta, makalingkawas gihapon ta taliwala aning krisis ug kagutom sa panahon. Anaa kanunay kanato ang kanunayng pagpaningkamot, ang pagpreserbar sa kaugalingon, ang ispirito nga dili mapukan, ang damgo nga moasenso. Sa kamahal sa bugas, gasolina ug ubang panaliton, nagdaginot kita, di kanunayng moinom ug Coke, wa nay ibilin nga mumho sa plato, kaonon apil ang dukot, basta magdaginot kita aron may matago ug mahikap sa panahon sa mga emerhensiya. Tagoon na ang 25 centavos hangtud managhan aron ikapalit ug batakang panginahanglan sa kusina- asin, vetsin, suka, mantika, sebuyas bombay, ahos ug uban pa.

Mag-inot kita pero dili magkuripot nga dalo. Mas magtinabangay kita panahon sa krisis. Dili magdalo sa silingan nga wa na gyoy gikaon. Mo-oo kung may mangayo ug kamonggay sa imong nataran. Kung wa nay bugas, mokaon kita ug sab-a, kardabang saging inodnod sa ginamos nga may sili, mabuhi gihapon kita.

Likayan o hunungon na ang mga bisyong makadaut sa lawas- inom, droga, sigarilyo- aron dili magsakit ug makapalit ug mahal nga tambal o maospital kay kasagaran nato way Philhealth. Mag hugot-bakos kita taliwala sa tumang krisis. Di na ilabay ang basura nga pwedeng ma por kilo, o mamunit kita ug basura nga pwedeng kapangkwartahan. Di na magpataka ug gasto sa pyesta ug birthday nga sa sunod adlaw wa nay makaon ug ikaplete. Kung may negosyo, ang kwartang naginansya, ibali-bali, dili kini gamiton sa way okasyon nga paglipaylipay hangtud na nga maapil ang kapital ug dayon malugi. Itago kini sa bangko aron padaghanon o gamiton sa paghimo ug panginabuhian.

Mobagdok gihapon kita sa Lotto basig modaug ug makakwarta ug gamiton ang kwartang nadaug sa tarong ug di na pagpataka ug gasto sa lulinghayaw, sa barkada, sa sine, sa luho, sa babaye. Mangutang kita kung wa na gyoy kwarta. Tanang legal nga paagi buhaton ta aron mabuhi lang ang pamilya.

Sa atong matag lihuk, pagpaningkamot kanunayng pagaubanan ta ug pagpangaliya, pag-ampo ngadto sa Labawng Makagagahum. Wa man gani nagkaproblema ang mga langgam sa ilang pagkaon, kita pa ba nga halangdong binuhat Niya. Moagi lang gihapon kining krisis. Mabuhi, molungtad, makalingkawas gihapon kita niining grabeng pagpanamas-tamas sa panahon. (Cha Monforte/Rural Urban News) http://ruralurbanews.blogspot.com

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: