Mga sakit nga leksyon sa bond flotation

PANGLANTAW

Daghang hagit ang mga lokal nga kagamhanan aron kini makakab-ot ug tiunay nga autonomiya ug kaugmaran sa iyang paglihuk isip kagamhanan alang sa tumang kaayuhan sa pinakadaghan niyang katawhan. Ang konseptong devolution ug autonomy sa mga lokal nga kagamhanan dugay na nahimong dakong hagit nga ginakumpanya sa tibuok nasud. Apan sa katapusan, kritikal gihapon ang isyu sa panudlanan niining tumong nga makab-ot ang kaugalingnan ug dakong kapasidad nga mohatag ug mga serbisyo ug proyekto sa iyang katawhan.

Ang kontrobersya sa bond flotation sa lungsod sa Nabunturan, Compostela Valley may dakong kahulugan sa mga lokal nga kagamhanan sa atong rehiyon. Ang proyektong bond flotation nga unta usa ka alternatibong pamaagi sa pagpangalap ug kwarta alang sa mga proyekto nga may implikasyon sa konseptong awtonomiya ug debolusyon ginadudahan na dili pa angayan sa atong nasud. Kini tungod sa mga alegasyon nga ang nakabenipisyo lamang niani mao ang mga nagpaluyong nagakunsabong mga consultants, brokers, ahente, underwriters ug guarantors sa bond flotation.

Ang lokal nga kagamhanan na mismo sa Malaybalay ang miutang sa bangko human sa iyang bond flotation aron lang mahunong ang mga dagkong interest ug obligasyones sa bond flotation diin ang ginakolateral niani mao ang bililhong Internal Revenue Allotment sa lungsod. Way mga indibidwal buyers sa Aklan bond flotation tungod kay wa kahibalo ang katawhan kung unsa ning bond flotation, ug sa nasud di pa baga ang middle class nga maoy nagatuklod sa malampusong bond flotation sa mga abanteng nasud. Nahukman ug 47 ka ihap nga kasong korapsyon ang kanhi mayor sa Claveria, Masamis Oriental tungod sa giingong pagpangurakot sa mga proceeds sa bond flotation. Halos palpak tanan ang mga bond flotation sa pipila ka munisipyo sa Mindanao.

Di pa hinog ang konseptong bond flotation sa nasud, labi na nga nakit-an nga ang nakabenipisyo lamang niani mao ang nagkunsabong mga consultants, broker, ahente, underwriter ug guarantor sa bond flotation ug naalanganin na ang paghatud sa mga batakang serbisyo sa katawhan sa mga lokal nga kagamhanan nga misulay sa paaging bond flotation.

Ang bond flotation usa gihapon ka pagpangutang dili sa bangko apan pinaagi sa mga ahente nga moutang ra gihapon sa bangko. Daghan pod ang klase-klaseng balayranan, obligasyon ug patong niani kumparar sa simpleng pagpangutang sa bangko. Resulta? Mas naalkanse ang lokal nga kagamhanan.

Tan-awon unta sa lokal nga kagamhanan sa Nabunturan kining nahuman na apan wa nagmalampuson nga mga bond flotation sa ubang dapit. Mga leksyon kani para sa ubang lokal nga kagamhanan sa atong rehiyon- sa pagmatngon sa dili pabasta-basta ug eksperimento sa bond flotation kay basig mahulog ra sa usa ka lalom nga kumunoy ang panudlanan sa lungsod sa dakong kadaut sa mga lungsuranon. (Cha Monforte/Rural Urban News) http://ruralurbanews.blogspot.com

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: