NEWS: Bahin sa bond flotation sa Nabunturan: “Morag taas ra gyud ang arkila sa palengke” – Gob. Uy

NEWS

“Morag taas ra gyud”

Mao kini ang opinyon ni Compostela Valley Governor Arturo “Chiongkee” Uy dihang gipahibalo kabahin sa iskedyul sa arkila sa mga stalls ug pwesto sa giplanong gambalay sa bag-ong palengke nga himoon pinaagi sa P90-milyones nga bond flotation nga ginaduso ni Mayor Macario Humol.

Gipahibalo ang gobernador nga sumala sa feasibility study sa bond flotation nga giaprubar na sa munisipyo ang minimum nga 10 metro kwadrado nga pwesto adunay arkila nga sobra P9,000 matag bulan.

Siya gipahibalo niadtong Sabado ni Boardmember Atty. Dexter Lopoz, kinsa nagaoposar sa resolusyon nga nagtugot sa bond flotation nga miabot sa hunta probinsyal.

Gikatakda nga tukion sa hunta probinsyal and maong resolusyon karong umaabot nga Miyerkules.

Si Gov. Uy namulong nga morag ang taas nga arkila di makaya sa mga gagmay nga mamaligyaay sa lungsod apan gusto pa hinoon niya tan-awon ang mga papeles ug feasibility study niini kay wa pa man siya makadawat gikan sa munisipyo.

Matud niya mohimo siya ug makuting pagtan-aw nianing reklamo sa mga mamaligyaay apan di na siya moapil-apil kung ugaling moabot na ang mga partido sa korte.

Ginaprotestahan and bond flotation tungod kay giingon nga gasto ra kaayo kini ug matud pa grabe ang pagkadis-adbantahe sa gobyerno niini.

Una na nga wa pabori mismo ang bond flotation sa Local Finance Committee sa munisipyo tungod kay mas daghang ang mga obligasyones niini kumparar sa simpleng pagpangutang sa bangko.

Ang mga lokal nga kritiko nagkanayon nga apil sa dako ug wala gikinahanglang galastuhan mao ang P6.5 milyones para sa architectural and engineering design o sa pamulong sa mga oppositor “sa papel pa lang”.

Ang mga gagmayng mamaligyaay sa palengke nahadlok usab nga sila mawani sa ilang panginabuhian tungod kay giingong mahal ra kaayo ang arkila ug mga advances niini nga dili nila makaya.

Ang mga oppositors sa bond flotation nagaplano na nga mosubmitar ug kasong administratibo, recall ug apelar sa Department of Justice aron di kini madayon nini..

Gingon nila nga ang proyekto kung idayon sa mayor ug iyang kaubanan nagalaspas sa Republic Act No. 3019, kun Anti-Graft and Corrupt Practices Act. (Cha Monforte/Rural Urban News) http://ruralurbanews.blogspot.com

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: