Hangtud sa katapusang puga sa bulawan sa Diwalwal

PANGLANTAW

Bisag unsaon sa ilado nga kapitan sa rehiyon, Kapitan Franco Tito sa Diwalwal, paghangyo nga dili apilon ang Diwalwal sa gyera sa New People’s Army di gyud niya kapugngan ang bayolente nga moabot sa pinakadako sa minahan sa tibouk Mindanao kun dili man gani sa tibuok nasud. Kini ug dili lang gikan sa NPA. Wa nagpasabot nga di ta gusto ug kalinaw karong panahona. Tan-awon lang nato ang namathan sa Diwalwal.

Bayolente na daan ang bukid sa Diwalwal kay init man gayud ang kinaiya sa bulawan. Way gamayng minahan sa Rehiyon sa Davao nga matawag natong wa giilugan ang init nga bulawan. Tinoud, may makumparar nga kalinaw na karon sa Diwalwal ikumparar sa una human nasabutan ang pagbahin-bahin sa yuta sa ilalom sa maong bukid ug sa diretsong pag-takeover sa gobyerno niini. Sa sayong mga katuigan pa lamang dihang may dakong gold rush sa Diwalwal nahimo na kaning gatasan sa klaseng-klaseng grupo nga may pangpersonal nga interes sama sa mga Lost Command, NPA, mga negosyante ug kumpanya sa minahan, ma lokal o ma langyaw man, sa mga nagkadaiyang mitungas nga pondok sa military ug police, sa mga opisyales sa gobyerno, mga istambay ug sa tanang mangayuay ug manigbasay ma gikan sa Malakanyang, Camp Crame ug Makati, korte, ma simbahan, ma kuya, ma ate,  matud pa.

Di ba ang kontrobersyal man nga NEDA Secretary Romulo Neri nga mamahimo nang SSS chairman sa sunod nga mga adlaw ang miluwat ug anunsyo sa media nga mokantidad pa sa 18 bilyones dolyares ang bulawan nga pwede pang makuha sa ilalom sa bukid sa Diwalwal nga sarang ikasulbad sa dakong langyawng utang sa atong nasud ug molungtad pa ang bukid sa sunod 50 ka tuig?

Ang pagpangatake sa NPA sa duha ka tunnel sa Diwalwal sa dili pa lamang dugay usa sa mga senyales nga may problema gihapon sa pagbahin-bahin sa bulawan sa bukid apan kay gawas man sa balaod ang NPA nagpasabot nga gitratar kini sa estado nga way katungod nga mangayo ug bahin sa bukid bisag sa pagkatinuod usa ang mga minehan sa mga gagmayng minero ang naila na nga lig-on nilang tinubdan sa pinansya aron masuportaran ang duha na ka dekadang insurhensiya. Tungod na pod nga ang mga minahan anaa man sa bukid nga duol o maoy kampo sa mga rebelde mao nga dali lang kining maadtoan niini.

Di pod pwede o di makaya sa gobyerno nga kuralan ug butangan kini ug mga security guard ang iyang palibot. Gasto ra kaayo kini ug- imposible. Kita manghinoklod na lang kung unsang paagi nga makalikay ang Diwalwal sa kagubot, pwera na lamang nga kung may dakong silensyo sa binotohay sa bukid dili lang tali sa NPA, kini nagpasabot nga ang tanan sa usa ka halangdon ug temporaryong higayon nagkasabot pa sa pagbahin-bahin sa bulawan nga iya gikan sa Kahitas-an. Tinuod, ang buhi ug lawom nga sapa way saba.

May tsansa gihapon nga himoong usa ka zone of peace ang Diwalwal apan dugay kini ug malisud nga proseso ug bulnerable sa bahad sa sabotahe. Ang pag-apelar na lamang sa kapitan isip representante sa iyang katawhan nga dili kani apilon kay asa pa man ibutang ang daghang katawhang nagamina kung sila mahimong mga bakwit nga mamahimong dakong problema sa gobyerno. Kini na lamang ang nalauhi ang mamahimong katapusang praktikal nga konsiderasyon ug rason sa tanang may interes sa bukid sa Diwalwal aron makuha padayon ang temporaryong kalinaw hangtud sa katapusan puga sa bulawan sa Diwalwal.(Cha Monforte/Rural Urban News) http://ruralurbanews.blogspot.com

Advertisements

One Response to “Hangtud sa katapusang puga sa bulawan sa Diwalwal”

  1. Compostela Valley, Cool! Bay lisod kaayo basahon ang color nga imong gigamit sa mga halap ug mata susama kanamo. Blue is good or Black but please not light orange…malibat man sad ta. Mora ba ug naminaw ug Rock music nga puerting hinaya.

    Tag: Social Networking

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: