Silot kung may sex scandal video imong cellphone

PANGLANTAW

Maayo ang balaodnon nga gipasaka ni Buhay party-list Kongresman Irwin Tieng nga kahatagan ug silot hangtud unom ka tuig ug multa hangtud P500,00 ang si bisan kinsa nga naghukop lamang ug usa ka video clip nga nagpakita sa pribadong parte sa lawas apil na ang pakighilawas sa managhigugmaay. Kung maaprubahan ang maong balaodnon, pagasilotan ka kung may sex video ang imong cellphone ug imo kining gipatukar ug gipaambit ss uban.

Tinuod, daghan na gyud ang nabiktima niini sama sa niadtong anaa na sa klase-klaseng sex scandal video nga naka-CD na diin nangabiktima ang mga naghubo o nakighilawas. O di ba kaha kadtong na-post na sa mga pornograpiyang websites sa Internet.

Karong panahona, dali ra gyud mokatag ang mga hulagway ug video recording tungod ra pod sa pagbutho sa mga bag-ong teknolohiyas sa komunikasyon sama sa cellphone ug Internet. Kining pagpakatag nagsugod sa pagkuha sa hulagway o video sa mga kolokoy nga patagong migamit ug kamera, digicam o cellphone nga may camera aron kuhaan ug hulagyaw o video ang mga sensitibong parte sa babaye o di kaha panahon sa ilang pakihilawas. .

May mga sex scandal man gani diin ang video gikuha nga may pagtugot sa babaye. Tungod seguro na pod nga basig hubog o gihubog sa mga kolokoy, o di kaha nakadruga o gipadruga sa mga dukirok o di ba kaha aron motilaw ug usa ka adbenturistang pantasya diin sila na ang makit-an sa salida nga way mga sapot nga mga inosenteng aktor ug aktres.

Daghan ang mga kaso sa mga sex video nga mikatag tungod kay nadisgrasya kay nawala man ang cellphone o ang USB flash disk diin anaa ang video sa pagpakighilawas sa usa kauban sa iyang girlfriend sama sa Iloilo sex scandal video nga gipapelan sa usa ka maestro ug sa iyang batan-ong estudyante.

Grabe ang bag-o pa lang nga mikatag nga Dasmarinas sex scandal diin usa ka kolehiyalang babaye ang gitabangan ug lugos sa upat ka lalake ug wa pa makontento sa krimeng gihimo gi-videohan pa gayud samtang gihimo nila ang pagpanglugos, ug wa madugay kini mikatag sa mga cellphone ug seguro anaa na kini sa Internet karon. Usa kini ka doble nga pagpanglugos! Kaluoy sa batan-ong babayeng biktima kansang kinabuhi ug kaugmaon gidaut na sa mga kampon ni satanas!

Tungod kay wa pay partikular nga balaod nga mogukod aning krimen sa pagpakatag sa mga hulagway ug video clip, di pa dayon magukod ensakto ang mga nakahimo niining salaod ug di pa mapatong ang maong salaod sa ubang krimen sama sa pagpanglugos, pornograpiya gamit ang mga menor de edad ug uban pang krimen nga nagalapas sa mga katungod ug pribasiya sa tawo.

Tama lang nga gukdon dayon sa balaod ang simpleng paghukop ug malaw-ay nga video clip sama kung may ing-ani ka sa imong cellphone bisag wa pa nimo gipaambit sa uban, gibawal na kini kung ang balaodnon ni Kong. Tieng (House Bill No. 4315) maaprubahan sa Kongreso.

Apan posible ba kaha kining balaodnon maaprubahan samtang tataw man nga usa ka macho institution ang ang atong kasamtangang Kongreso? Di ba kaha ang debate niini mopaabre lamang sa Burlesk King scandal nga dili tinoud matud pa ug nasarado na pabor sa kasamtangang Speaker apan padayon kining nakapatingkagol sa kanhi Bombo broadcaster Alex Adonis tungod sa kasong libelo.

Seguro una kining balaodnon ideliberar himoon usa seguro ang usa ka roll call ug usa-usa nga pagtan-aw kung wa bay sulod nga sex scandal video ang mga mahalon nga cellphone sa atong mnga kongresman. Dakong posible nga ang ilang mga cellphone nga may mga camera may isa ug duha na sila niani, pwera lang seguro sa mga hulagyaw o video clip sa mga iskandalo sa pagpangawkaw sa mga pulitiko sa kaban sa lungsod. (Cha Monforte/Rural Urban News) http://ruralurbanews.blogspot.com

Advertisements

2 Responses to “Silot kung may sex scandal video imong cellphone”

  1. unya ang mga otoridad mabuang ug panakop sa mga taong nay sex videos ilang cp? asa na ang privacy sa mga tao sa ilang celphone? dili man na sala siguro sa mga naa anang videoha. sala man na sa mga naghimo, daghan man gud karon mga abnormal. maghimog daotan ivideo pajud. tama ba na? ila jud ng sala. ug about sa mga “kolokoy nga gihubog” ang babae, sala gihapon na sa babae kay nganong magpahubog2.

    ang pangutana pud, kung ang mga ordinaryong katawhan lang pud ba ang naay sex videos sa ilang cp. how about kanang mga nasa otoridad? hugas sila kamot nga way scandal na ilang celphones?

    ako, sa tinuoray, wa ko nagabutang scandal sa akong cp, guot2 ra na sa memory. isa pa, luod tan-awon ning mga scandal oy. mas maayo pag motan-aw ug tinuod nga porn, kanang hinimo jud for private viewing.

  2. good news na naay balaod against sex scandal videos. better kung mag apply ni sa tanan including the enforcing authority. best kung dili na ta mag tan aw ug mga daotan nga mga buluhaton even pornography.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: