Tulis sa atubangan ug likod sa single motor

PANGLANTAW

Nagkadaghan ang single nga motorsiklo sa rehiyon nga gihimong pampasahero bisag way prankisa. Tungod kay mitunaw ra pod nga kini pwede diayng mahimong usa sa mga sakyanang pampubliko, nagkadaghan na pod ang atong problema kalabot niini. Dili lang sa kabahin sa pagkawalay prankisa ug sa mga disgrasya sa pasahero, gawas lang sa mga munisipyo nga anaa nay mga ordinansya pagpahimong legal niini ug pagprotektar sa mga pasahero sama sa paggamit ug mga helmet apil sa probisyon nga matagaan ug maapil sa insurance ang mga drayber ug pasahero.

Sa pagdagsa sa mga single nga motorsiklo gikan sa Japan sama sa Honda XRM, Honda Dream ug mga China brand sa atong nasud ug pagdaghan sa pagpamalit niini tungod sa barato nga mga promo sa mga mga negosyante sa motor (mo down ka lang ug P3,000-P5,000 may single motor ka na), anaa pa ang problemang duha ka klaseng tulis kalabot sa sa single nga motorsiklo.

Ang unang tulis mao ang tulis sa atubangan: kung ang mga pasahero niini maoy motulis sa driver nga nanginabuhi lamang. Ang ikaduhang tulis mao ang tulis sa likod: kung ang driver na mao ang tulisan sa iyang mga pasahero! Nagkadaghan na dawng mga tulisan sa likod sa Tagum City? Paging mga pulis! Gihimo na pod kining gateaway vehicle o sakyanang ginasakyan sa mga way tampalasan ug dili mahadlok sa impyerno nga mga mamamatay tawo.

Pwera delos buenos sa mga maayo ug nanginabuhi lang nga mga drayber alang sa ilang pamilya labi na sa panahon niining way puas nga krisis sa bugas ug gasolina.

Kining duha ka klase sa tulis sa single motor makadaghan nang nagahitabo sa atong rehiyon dili lamang sa syudad sa Tagum. Di nato nabasol ang mga Hapon ug mga Intsik niani kay ang Pilipinas apil man sa gawasnong liberalisasyon sa patigayon, mao nang nagadagsa ang mga produkto nga barato gikan sa mga industriyasado ug abanteng nasud.

Bisag usa kini ka mga senyales sa pag-abante ug modernisasyon sa atong kitilingban ug paghatag ug laing moda sa transportasyon aron mahimong paspas ang pagdagan sa mga produkto ug serbisyo, samtang gamay lang ang gasolina nga gamit niini sa layo nga milyahe ikumparar sa ubang sakyanan, ang single nga motorsiklo adunay mga adbantahe ug adunay poy mga dis-adbantahe nga ginahatag kanato. (Cha Monforte/Rural Urban News) http://ruralurbanews.blogspot.com

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: