Pagwagtang sa VAT

PANGLANTAW

Giaprubahan na sa Malacanang niadtong Martes ang pagtaas sa pletehan sa pangpasaherong sakyanan sa tibouk nasud sugod ugma. Kini samtang nagsige gihapon ang pagtaas sa presyo sa petrolyo ug sa sunod bulan gikatakda nga ang mga kumpanya sa lana mopataas na pod ug P10 kada litro. Matud pa sa mga economic analysts, ang presyo sa diesel posible nga moabot ngadto sa P72.43 sa paghuman sa tuig.

Tungod aning madulom nga umaabot, may nagsugyot na nga himoon na lang ug 4 ka adlaw ang trabaho sa gobyerno, apan ang mga kawani niini gikinahanglan nga motrabaho ug 10 oras kada adlaw. Nahimo na ni sa una sa mga lokal nga kagamhanan.

Ang usa pod nga gisugyot aron matubag kining kasamtangang krisis mao ang pagwagtang sa Value Added Tax kun VAT diha sa presyo sa mga produkto sa petrolyo. Kada litro man gud sa gasolina anaa diha nahaapil ang 12 porsyento nga VAT isip buwis nga moadto sa gobyerno. Daghang mga bilyones ang ginakuha sa atong gobyerno gikan aning VAT sa petrolyo pa lamang ug mao kini ang nakapakunhod sa budget deficit sa atong nasud. Sa ehemplo nga P60 ang litro sa gasolina, ang gobyerno mobahin niini ug P7.20 sa VAT. Yates, kadako aning buwisa uy kung imo kining hubaron sa kadaghanon sa mga sakyanan sa tibouk nasud! Mao ganing gipasiatab na nga kining katas sa VAT gamiton alang sa modernisasyon sa kagamitan panggyera sa atong kasundaluhan.

Apan di basta-basta mawagtang kini VAT sa petrolyo kay makadaut sa atong nasud, tungod kay asa pa man ta mangita ug dakong kwarta alang sa mga proyekto. Maayo na na kay nasugdan na, matud pa. Kung mawagtang pod kining VAT sa petrolyo ang mga adunahan nga may mga sakyanan ang giingong mas mapaboran sa maong lakang ug dili ang daghang mga pobre. Matud pa ni Speaker Nograles, kutob unta P7 kada litro ang para sa VAT ug dili na kani mosobra niani.

Bisag unsa man ang mahimo sa gobyerno aron maalebyo ang kalisud nga ginabati sa katawhan karong mga panahona maayo na na kaysa magsige na lamang ang mga dagkong politiko ug pagpunay ug pagpakapaka sa baba kabahin sa mga problema sa nasud hangtud nga sila kanunayng maapsanna lamang sa pagsunod-sunod sa pagtaas sa mga presyo karong panahona.(Cha Monforte/Rural Urban News) http://ruralurbanews.blogspot.com

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: