Mabueng na mi

PANGLANTAW

Motaas na pod ang presyo sa gasolina. Moambak ug P7 kada litro. Ayay, kung motaas ang presyo sa lana, motaas pod ang mga presyo sa palaliton. Ayay, kasakit Juan dela Cruz nga nag-ilaid na sa kamahal sa bugas.

Matud pa sa usa, wa gyud siya naapektuhan sa pagtaas sa presyo sa bugas. Ngano man? Kay nagpraktis na siya ug kaon ug tahop. He, he, he. Bitaw, kining pagtaas sa presyo sa gasolina mopanghupaw na pod sa daghang mga drayber kay makunhuran na pod ang dugang nila nga kita sa bag-ong aprubado nga pagtaas sa pletehan. Dili madugay mangayo na pod ni sila sa LTFRB ug dugang nga pagtaas sa pletehan sa katawhang nagkalisud apil na ang ilang mga pamilya.

Ang mga industriya nga nagagamit gihapon ug krudo kay mao man kani ang ginagamit kasagaran sa pagpadagan sa mga planta sa kurente magaabaga gihapon niining pagtaas sa presyo sa krudo nga ginaangkat sa gawas. Moresulta kini sa pagtaas pod sa ilang mga produktong ibaligyaay sa publiko, sama sa tinapa. Sa pagkuha ug isda sa mga mananagat, di ba nanginahanglan man ug krudo ang ilang mga baruto ug banka aron makaadto sa lawod? Ang mga galingan mismo sa humay ug mais nanginahanglan aning krudo aron mogaling.

Siguro ang tuba na lamang ni Nong Goryo Manananggot ang kanunayng barato, apan di ba ang tungog gihimo man sa pabrika nga nagagamit usab ug krudo? Ay nako! Tanan apektado niining ginatawag nga domino effect sa pagtaas sa presyo sa gasolina hinungdan sa pagkalibutanong krisis. Sama sa pagtukod sa unang nagtindog nga tetsas sa domino, kung imong tukluron ang gipilang mga testas magsunod-sunod kinig pangatumba, panglup-og. Kung motaas na pod ang presyo sa lana, magsunod-sunod na pod ang pagtaas sa presyo sa ubang palaliton. Matud pa (pasyensya sa mga feminista), ang panty na lang daw sa GRO ang nagapaubos karong panahona.

Bitaw, kanus-a pa man mahuman kining kanunayng pagtaas sa mga presyo sa palaliton? Maayo na lang may mga produktong baratuhon gikan sa Tsina, bisan kani dali lang madaut sama sa ilang martilyo nga tulo lang ka ibot mapangag dayon, o mga brief nga dali lang malawlaw (samtang maglisud na ang kalalakehan ug order ug beer bugnaw!), o tarak-tarak nga dali lang ma-loose thread ang ligid nga makapahilak sa mga bata, o baratong earbuds nga di makahuha ug atuli kay mabaliko man dayon, ang mga makailad nga kagamitan sa balay ug uban pang mga barato apan dali lang malabay nga mga produkto sa Tsina. Apan way sapayan kay maayo na lang anaa na kaysa wala, kay mabueng na mi niining kanunayng pagtaas sa presyo sa atong palaliton.(Cha Monforte/Rural Urban News) http://ruralurbanews.blogspot.com

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: