Kalinaw di pa makit-an

PANGLANTAW

Duha na lang ka tuig usa moabot ang ginapaningkamotan ug maayo ni Presidente Arroyo nga makahuman sa iyang termino. Kani hangtud 2010. Human sa daghang bahad nga siya mapalagpot sa pwesto sama sa mga pakyas nga kudeta sa mga military adventurists sa Manila ug mga dakong isyu nga ginabato sa opisisyon kaniya, anaa pa gihapon ang atong Presidente hugot nga naglingkod sa iyang pwesto. May bag-o na pod daw nga bahad aron pwersadong palagputon siya, apan kumpyansa ang Malacanang nga kutob lang kani sa hunghong ug balita.

Sa Mindanao, morag wa pa gihapon tay makit-an nga kalinaw sa umaabot nga 24 ka bulan usa mokanaug ang atong Presidente kay partikularmente sa problema tali sa Moro National Liberation Front (MILF) may ganaas na pod nga moabotay ang bag-ong gubat tali sa pwersa sa gobyerno ug sa mga rebeldeng Moro bisag padayon pa gihapon ang upat na ka tuig nga ceasefire.

Gisuspetsahan nga ang MILF ang mibomba sa usa na pod ka electric transmission tower didto sa North Cotabato nga nakapangitngit sa tibuok Norte Cotabato ug niadtong Martes 120 ka mga miyembro sa MILF ang mi-harass sa detachment sa 40th IB sa Army didto sa Aleosan. North Cotabato. Kini human nga 200 ka mga miyembro sa mga rebeldeng Moro ang mihimo ug pormasyon didto sa Midsayap ug Datu Piang, Maguindanao nga nakapabakwit sa liboan nga mga tawo. Nagpunay pod ug pangatake ang mga rebeldeng New People’s Army.

Ang taho nga ang duga sa Value Added Tax (VAT) nga nakolekta sa kagamhanan gamiton aron sa pagpamalit ug mga modernong helicopter ug kagamitan alang sa atong armadong pwersa morag signos na sa pagpangandam nga ilusad ang kusog nga armadong opensiba sa gobyerno batok sa mga rebelde. Morag kani na ang mahitabo sa sunod nga mga adlaw ug bulan labi na nga tumong man sa Presidente nga pahinayon ug di man gani pukanon ang mga armadong bahad batok sa estado labi na niining duha na ka dekadang insurhensya sa NPA sa tuig 2010.

Morag di na pod nato makit-an ang kalinaw sa umaabot. Magaampo gihapon kita nga luyo niining mga preparasyon sa mga rebeldeng Moro ug gobyerno motumaw nga mauna gihapon sa adyenda ang pakigsabot alang sa kalinaw labi na sa Mindanao usa ang adyenda sa armadong pagkigubat nga mosangpot ra sa atong kaalaot. (Cha Monforte/Rural Urban News) http://ruralurbanews.blogspot.com

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: