ATTY. JUN LOPOZ
OCT 22
Miindosar na ang klase-klaseng sektor ug lideres kang Atty. Jaime “Jun” Lopoz Jr nga modagan pagka-Kongresman sa Distrito 1 sa Compostela Valley human sa mga konsultasyon ug pulong-pulong nga gipahigayon sa mga volunteers sa abugado.
Ang miindosar sa pagkandidato ni Atty. Jun inisyal nga gilangkuban sa mga agrarian reform beneficiaries ug farmworkers, mga labor unions, banana growers, mga mag-uuma ug ilang mga kooperatiba, mga kabatan-onan, mga pastor sa nagkadaiyang relihiyon, purok leaders, ug gani ubay-ubay na ka mga barangay kagawad ug barangay captains partikularmente sa lungsod sa Monkayo, Compostela ug New Bataan nga miindosar usab.
Kasamtangan pa gihapong ginapahigayon ang mga konsultasyon-pulong-pulong sa mga Jun Lopoz volunteers ug paingon na sila ngadto sa lungsod sa Maragusan ug dayon sa Montevista diin nanggikan ug may residensya ang abugado.
Una nang mideklarar si Atty. Jun nga siya modagan pagka-Kongresman aron katagaan ug bili ang piniliay pinaagi sa paghatag ug kapilian sa katawhan kung kinsa ang ilang gustong mapiling lider nga morepresentar kanila sa hawanan sa Kongreso ug dili lang ipahungit sa katawhan ang usa ka napili sa pipila lamang ka politiko.
“Sa inisyal nga pagtuboy ug pag-endosar panahon sa konsultasyon-pulong-pulong nga nagtumong nga mahibal-an kung angayan ba nga pasagdan na lang sa katawhan nga way karapang ang kandidato sa administrasyon nga si Boardmember Maricar-Apsay sanglit simpli na lang nga itunol ang dakong posisyon sa kongresman gikan sa amahan Kongresman Manuel “Way Kurat” Zamora ngadto sa anak, makabungog gayud ang singgit sa katawhan nga gikinahanglan gayud nga sila may kapilian pagka-Kongresman karong umaabot nga eleksyon,” matud pa ni Rudy Ranario, usa sa mga Jun Lopoz volunteers.
“Mapasalamaton gayud kami may ligdong nga abugado nga moparang kang Maricar. May alternatibong lider na kita nga mitumaw human sa dakong kahilom nga wa daw molaban kang Maricar karong piniliay,” matud pa sa usa pod ka kapitan.
Sa usa ka pakighinabi, si Atty. Jun namulong nga mapasalamaton usab siya sa inisyal pa lamang nga suportang gipakita sa katawhan sanglit nakahatag na kini ug dakong inspirasyon kaniya nga maningkamot aron moalagad ug tiunay sa katawhan pinaagi sa pagbag-o sa natad sa pamolitika sa distrito. (Cha Monforte/Rural Urban News)
Kasamtangan pa gihapong ginapahigayon ang mga konsultasyon-pulong-pulong sa mga Jun Lopoz volunteers ug paingon na sila ngadto sa lungsod sa Maragusan ug dayon sa Montevista diin nanggikan ug may residensya ang abugado.
Una nang mideklarar si Atty. Jun nga siya modagan pagka-Kongresman aron katagaan ug bili ang piniliay pinaagi sa paghatag ug kapilian sa katawhan kung kinsa ang ilang gustong mapiling lider nga morepresentar kanila sa hawanan sa Kongreso ug dili lang ipahungit sa katawhan ang usa ka napili sa pipila lamang ka politiko.
“Sa inisyal nga pagtuboy ug pag-endosar panahon sa konsultasyon-pulong-pulong nga nagtumong nga mahibal-an kung angayan ba nga pasagdan na lang sa katawhan nga way karapang ang kandidato sa administrasyon nga si Boardmember Maricar-Apsay sanglit simpli na lang nga itunol ang dakong posisyon sa kongresman gikan sa amahan Kongresman Manuel “Way Kurat” Zamora ngadto sa anak, makabungog gayud ang singgit sa katawhan nga gikinahanglan gayud nga sila may kapilian pagka-Kongresman karong umaabot nga eleksyon,” matud pa ni Rudy Ranario, usa sa mga Jun Lopoz volunteers.
“Mapasalamaton gayud kami may ligdong nga abugado nga moparang kang Maricar. May alternatibong lider na kita nga mitumaw human sa dakong kahilom nga wa daw molaban kang Maricar karong piniliay,” matud pa sa usa pod ka kapitan.
Sa usa ka pakighinabi, si Atty. Jun namulong nga mapasalamaton usab siya sa inisyal pa lamang nga suportang gipakita sa katawhan sanglit nakahatag na kini ug dakong inspirasyon kaniya nga maningkamot aron moalagad ug tiunay sa katawhan pinaagi sa pagbag-o sa natad sa pamolitika sa distrito. (Cha Monforte/Rural Urban News)
Filed under: atty jun lopoz comval , atty jaime lopoz, atty jun lopoz comval, JUN LOPOZ
Recent Comments